-অৰুণজ্যোতি দাস
এইটো এটা শুভ লক্ষণ দেখা পাইছো যে, অন্তর্জালত অসমীয়া লিখাৰ পদ্ধতিৰ পৰা আৰম্ভ কৰি অসমীয়া সাহিত্য-সংস্কৃতিৰ চর্চাক সামৰি এই ফেচবুকে এখন খুব সুন্দৰ ক্ষেত্র প্রদান কাৰিছে |ই আমাৰ বাবে অতি গৌৰৱৰ বিষয়|যিসকল অসমীয়াই পেচাগত কাৰণতে হওঁক বা অন্য চাঁপৰ বাবেই হওকঁ,ছপা মাধ্যমৰ পৰা অলপ দূৰত থাকিবলগা হৈছে,মোৰ ভাৱ হয়,তেওঁলোকৰ স্ব-কৃষ্টি,স্ব-জাতি,স্ব-ভাষাৰ প্রতি... মোহটো বেছি থাকে|আৰু এইটো উল্লেখ নকৰিলেও হ’ব যে নিজৰ ভাষা-সংস্কৃতি-কৃষ্টিৰ প্রসাৰ,প্রচাৰ,উত্তৰণ তথা সমৃদ্ধিৰ হকে তেওঁলোক সদা সচেতন আৰু প্রতিনিয়ত ইচ্ছুক|যিহেতু এইসকলে অসমৰ মেধা সম্পন্ন ,প্রতিষ্ঠিত তথা উচ্চ শিক্ষিত নতুন প্রজন্মটোক প্রতিনিধিত্ব কৰে,মই আশা কৰোঁ,তেওঁলোকৰ সু-গঠিত আৰু সমূহীয়া প্রচেষ্টাক জাতিটোৱে সৎৱ্যহাৰ কৰিলে অসমীয়াৰ মংগল সাধন হব|
এইখিনিতে উনুকিয়াব খুজিছোঁ যে ,(ফেচবুকৰ এই দলটোৰ সদস্যসকলে ইতিমধ্যেই জানেই কিজানি)কেবাগৰাকিও বৰেণ্য প্রবাসী আৰু স্থানীয় অসমীয়াই আন্তর্জাল যোগেও অসম তথা উত্তৰ-পূর্বাঞ্চলৰ সমূহীয়া উন্নতিৰ হকে দেহে কেহে খাতি আছে|এই আপাহতে তেঁওলোকলৈ মোৰ হিয়াভৰা অভিনন্দন আৰু শুভকামনা যাঁচিলো|দুটিমান তেনে অনুষ্ঠান হ'ল FASS(Friends of Assam & Seven Sisters),শব্দ(http://www.xobdo.org/),Xomidhan গোষ্ঠি(http://xomidhan.org/), Sakori.org আদি|ফেচবুকৰ এই দলৰ আঁত ধৰোঁতা তথা সদস্যবৃন্দও এই জাগৰণৰ অন্তর্ভুক্ত আৰু ধন্যবাদৰ পাত্র|
এটা কথা সহজেই অনুমেয় যে,আমাৰ ন-প্রজন্মই আন্তর্জালৰ পৰা জ্ঞান(সর্বতোপ্রকাৰৰ!) আহৰণ কৰাৰ প্রতি বেছি আসক্ত|আৰু আজিকালিৰ সময়ত ই তেনেই স্বাভাৱিক|আন্তর্জালৰ ভাল গুণখিনি ল’বৰ বাবে আমি আমাৰ লৰা-ছোৱালীক উৎসাহিত কৰিব লাগে আৰু নিজৰ কলা-কৃষ্টি-সংস্কৃতিক শুদ্ধভাৱে শিকিবৰ বাবে প্রেৰণা দিব লাগে|
মই ভাবোঁ, আন্তর্জালৰ মাধ্যমেৰে যি পাঠদানৰ চিন্তা-চর্চা চলিছে,সি এটা অতি আদৰণীয় প্রচেষ্টা |কিন্তু পৰিতাপৰ কথা এইটোৱেই যে আমি বহুতেই নিজৰ ভাষাটোক শুদ্ধকৈ উচ্চাৰণ আৰু ৱ্যৱহাৰ কৰিব নাজানো|মোৰ ভয় হয়,যাতে আমাৰ এই নির্ভেজাল সৎ প্রচেষ্টাৰ কোনো বিৰূপ প্রতিফলন আমাৰ ন-প্রজন্মৰ ওপৰত নপৰে আৰু এই প্রচেষ্টা যাতে সফল হয়|
তাৰ বাবে মই নিম্নোক্ত পৰামর্শ কেইটা মোৰ ফালৰ পৰা আগবঢ়ালো|
১)অসমীয়া আলোচনা মঞ্চত(আন্তর্জালেই হওক বা অন্য মঞ্চই) আপোনাৰ জ্ঞানেৰে ঢুকি পোৱা্লৈকে কেৱল অসমীয়া শব্দ ৱ্যৱহাৰ কৰক| নহ’লে অসমীয়া প্রতিশব্দ বোৰ বিলুপ্ত হ’ব|
২) ন-শিকাৰুক শুদ্ধ উচ্চাৰণ শিকাৰ প্রতি আকৃষ্ট কৰক|পৰাপক্ষত নিজেও প্রকৃত উচ্চাৰণ বিজ্ঞ জন বা গৱেষণা-গ্রন্থৰ পৰা শিকা আৰম্ভ কৰক|
৩)দন্ত্য ‘ন’/মূর্ধণ্য ‘ণ’/তালৱ্য ‘শ’/হসন্ত আদি প্রাথমিক শিক্ষাৰ আদিপাঠ সম্পূর্ণ শুদ্ধ উচ্চাৰণেৰে শিকাবলে’ যত্নপৰ হওঁক|(প্রসংগঃhttp://learn.xobdo.org/index.php?option=com_content&view=article&id=3%3Al0101&catid=2%3Ac01&Itemid=2)
৪) পেট কটা ‘ৰ’ বুলি মই জনাত কোনো বর্ণ অসমীয়াত নাই,যিদৰে নাই “স্বৰে অ/স্বৰে আ”| এইবোৰ আমি ভুলকৈ শিকালে কি দুর্গতি হ’ব পাৰে, নিশ্চয় সুধীবৃন্দই জানিছে|
৫) ইজনে সিজনক ভুল(‘ভূল’ নহয়)আঙুলিয়াই দিব লাগে,যাতে পৰস্পৰৰ উন্নতি হয়|
-সেই ভুল, ব্যাকৰণ/উচ্চাৰণ/গাঁঠনি বা মতামতৰ হব পাৰে|
এই ভাষ্য মোৰ সম্পূর্ণ ব্যক্তিগত|মতামতৰ বাবে আগতীয়াকৈ ধন্যবাদ যাঁচিলো|
--অৰুণজ্যোতি দাস
