অসমীয়াত কথা বতৰা

কীৰ্ত্তন৷৷চতুৰ্থ খণ্ড৷৷ ধ্যান বৰ্ণন 
ঘোষা৷৷

ৰামেসে জীৱন ৰামেসে প্ৰণ৷

ৰাম বিনা নাহি বান্ধৱ আন৷৷১০৷৷

পদ৷৷ 

তন্ত্ৰ মন্ত্ৰ আনো দ্ৰব্য অনেক

দেশ কাল পাত্ৰ ছিদ্ৰ যতেক৷৷

পূৰ্ণ নুহি যত যজ্ঞৰ অঙ্গ৷

হৰিনামে কৰে সৱে সুসাঙ্গ৷৷১২৩৷৷

বামনৰ আগে শুক্ৰৰ বাক৷

অষ্টম স্কন্ধত দেখিয়ো তাক৷৷

ভকত জনেসে মোৰ হৃদয়৷

ময়ো ভকতৰ হিয়া নিছয়৷৷১২৪৷৷

মঞি বিনে ভক্তে নিচিন্তে আন৷

ভকত বিনা মোৰো নাহি ধ্যান৷৷

দুৰ্ব্বাসাৰ আগে কৈলা মুৰাৰি৷

নৱম স্কন্ধত দেখা বিচাৰি৷৷১২৫৷৷

মুকুতি ৰসকো স্ৰৱৈ ভকতি৷

তাক এড়ি কৰৈ জ্ঞানত ৰতি৷৷

দুখ মাত্ৰ পাৱৈ পাছেসে জানৈ৷

কাষ্ঠ পতানক যেহেন বানৈ৷৷১২৬৷৷

ব্ৰজৰ তৃণ হৈবো মহাভাগ৷

পাইবো গোপিকাৰ ৰেণুক লাগ৷৷

যাৰ মিত্ৰ ভৈলা জগত পতি৷

ব্ৰহ্মায়ে কৰিলা কৃষ্ণক তুতি৷৷১২৭৷৷

ব্যভিচাৰী দুষ্টা ব্ৰজ যুৱতী৷

তথাপি কৃষ্ণত ভৈলা ভকতি৷৷

জানিলো পাপীয়ো ভজোক মাত্ৰ৷

এতেকে ভৈলা মুকুতিৰ পাত্ৰ৷৷১২৮৷৷

কৃষ্ণৰ কথাত যিটো ৰসিক৷

ব্ৰাহ্মণ জন্ম তাৰ লাগৈ কিক৷৷

স্মৰোক মাত্ৰ হৰি দিনে ৰাতি৷

নবাছৈ ভকতি জাতি অজাতি৷৷১২৯৷৷

নন্দৰ ব্ৰজে যত গোপীজাক৷

সদা বন্দো তান পদধূলাক৷৷

নুগুচৈ হৰি গীত দিনে ৰাতি৷

জগতকে কৰৈ পৱিত্ৰ আতি৷৷১৩০৷৷

উদ্ধৱে বন্দিলা গোপীৰ ধূলি৷

আৱে মূঢ়জনে নিন্দে কি বুলি৷৷

শৰীৰক শৱক মই বোলে চিত্তে৷

মমত কৰৈ পুত্ৰ ভাৰ্য্যা বিত্তে৷৷১৩১৷৷

তীৰ্থ বুলি কৰৈ জলত শুদ্ধি৷

প্ৰতিমাত কৰৈ দেৱতা বুদ্ধি৷৷

বৈষ্ণৱত নাই ইসৱ মতি৷

গৰুতো অধম কৃষ্ণ বদতি৷৷১৩২৷৷

একান্তে মৰৈ কৰ্ম্ম মাত্ৰ কৰি৷

হৃদয়ে থাকিয়া বিদূৰ হৰি৷৷

শ্ৰৱণ কীৰ্ত্তন যাৰ অভ্যাস৷

নছাড়ন্ত হৰি তাহাৰ পাশ৷৷১৩৩৷৷

মিছা তৰ্কবাদে ভৈলো ঁ আন্ধাৰ৷

নপা ঁও জ্ঞান পন্থ কৰি বিচাৰ৷৷

মাধৱ বামন গোৱিন্দ বুলি৷

কৈসানি মুকুত হৈবো সমূলি৷৷১৩৪৷৷

দশম স্কন্ধত বেদৰ স্তুতি৷

আক নমানিবে কোন যুগুতি৷৷

পাষণ্ডেষে নিন্দৈ বেদৰ বাণী৷

তাৰ সম্ভাষণ এড়িবা জানি৷৷১৩৫৷৷

কৰ্ম্ম তপ জ্ঞানে সাধে যি গতি৷

দানে বা সন্ন্যাসে পাৱৈ সম্প্ৰতি৷৷

ভকতে সুখে বসি পাৱৈ তাক৷

উদ্ধৱৰ আগে কৃষ্ণ বাক৷৷১৩৬৷৷

পৰম অহিংস ধৰ্ম্ম সন্ন্যাসে৷

নপাৱে যি মোক জ্ঞান অভ্যাসে৷৷

ভকতেসে কৰৈ আমাক বশ্য৷

কহিলো উদ্ধৱ ইটো ৰহস্য৷৷১৩৭

গৰু গোপিকা পশু বৃক্ষবন৷

নাহি জন্মান্তৰে কিছু সাধন৷৷

এহি জন্মে মাত্ৰ কৰি ভকতি৷

পাইলেক সকলে মোহোৰ গতি৷৷১৩৮৷৷

অশুদ্ধ মন কৰ্ম্মসকল৷

স্ৰৱে যেন আৱা ঁ(২৩) ঘটৰ জল৷৷

কৃষ্ণৰ বাক্য পাষাণৰ ৰেখা৷

একাদশ স্কন্ধে বিচাৰি দেখা৷৷১৩৯৷৷

বোলন্ত শুকে কিনো ভৈল খেদ৷

পাষণ্ডে কৰিবে বুদ্ধিক ভেদ৷৷

কলিত হৰিৰ কীৰ্ত্তন এড়ি৷

ফুৰিবে লোকে আন কৰ্ম্ম কৰি৷৷১৪০৷৷

পাইবেক শ্ৰম তপ ব্ৰত কৰি৷

একান্তে যিটো নুসুমৰৈ হৰি৷৷

জ্ঞানতো কৰ্ম্মতো কৰিয়া নৰ৷

হৰি কীৰ্ত্তনত কৰা আদৰ৷৷১৪১

দ্বাদশ স্কন্ধত এহিসে কৈলা৷

তথাপি মূঢ়ৰ বোধ নভৈলা৷৷

কৰৈ উপালম্ভ হৰি কীৰ্ত্তনে৷

আত্মগাত কৰি মৰৈ আপুনে৷৷১৪২৷৷

------

২৩৷ পা, এ ঁৱা

----------

বিষ্ণু ভকতক দেখিয়া হা ঁসে৷

আপুনিয়ো নষ্ট আনকো নাশে৷৷

কীৰ্ত্তন শুনিয়া সম্যকে মৰে৷

জানিবা নিতে মহাপাপ কৰে৷৷১৪৩৷৷

হৰি ধ্বনি শুনি বিহ্বল হুই৷

হিয়াত তাৰ লাগে যেন জুই৷৷

সমস্ত শাস্ত্ৰত কৰিয়া সাৰ৷

পাষণ্ড-মৰ্দ্দন নাম ইহাৰ৷৷১৪৪

এহিসে মৰ্দ্দিবে পাষণ্ড মতি৷

জানিবা কলিত নামেসে গতি৷৷

কৃষ্ণৰ কিঙ্কৰ শংকৰে ভণে৷

বোলা হৰি হৰি সমস্তে জনে৷৷১৪৫৷৷

৷৷ পাষণ্ড মৰ্দ্দন সমাপ্ত৷৷৩৷৷

৷৷ধ্যান বৰ্ণন৷৷

৷৷প্ৰথম কীত্তৰ্ন৷৷

ঘোষা৷৷

ঘোষা৷৷

ত্ৰাহি গোপাল স্বামি৷

মজিলো ভৱ জলধিত আমি৷৷১১৷৷

পদ৷৷

এক মনে শুনা হৰিৰ ধ্যান৷

বৈকুণ্ঠ নামে আছে মহাথান৷৷

শাৰী শাৰী ৰঞ্জে বিমানচয়৷

বৈদূৰ্য্য হীৰা মৰকতময়৷৷১৪৬৷৷

চন্দ্ৰ সূৰ্য্য যেন প্ৰকাশে আতি৷

নজানি যাত পশি দিন ৰাতি৷৷

চাৰু সৰোবৰ নিৰ্ম্মল জল৷

সুগন্ধি পদ্ম শোভে উতপল৷৷১৪৭৷৷

আছৈ ৰাজহংস সমূহে ৰঞ্জি৷

লীলায়ে মৃণাল ভুঞ্জৈ উভঞ্জি৷৷

পাৰে পাৰিজাত মলয়া বাৱ৷

চটকে ত্যজে সুললিত ৰাৱ৷৷ ১৪৮

ভ্ৰমৰগণে গাৱৈ হৰি গীত৷

বৈষ্ণৱগণ শুনি আনন্দিত৷৷

হেন বৈকুণ্ঠৰ মাজত পাছে৷

উচ্ছ্ৰিত ৰত্ন মন্দিৰেক আছে৷৷১৪৯৷৷

বৈদূৰ্য্য স্তম্ভ স্ফটিক বাৰ৷

মাণিক্য কপাট হীৰাৰ দ্বাৰ৷৷

কাটিলা জিঞ্জিৰি সুৱৰ্ণাৱলী৷

বিচিত্ৰ মণি মৰকত স্থলী৷৷১৫০৷৷

পদ্মৰাগ ৰত্নে লগাইলা চৌতি৷

কোটি সূৰ্য্য যেন গৃহৰ জ্যৌতি৷৷

বিচিত্ৰ চন্দ্ৰাতপ আছে টানি৷

আ ঁৰিলা মুৰাৰি মুকুতা মণি৷৷১৫১৷৷

হেন মন্দিৰে ৰত্ন সিংহাসনে৷

আছন্ত বসি প্ৰভু নাৰায়ণে৷৷

চৌপাশে সেৱে পাৰিষদ যত৷

মৌক্তিক ছত্ৰ ধৰি ওপৰত৷৷১৫২৷৷

ধৱল চামৰে দুপাশে বিঞ্চৈ৷

সঘনে সুৰভি কুসুম সিঞ্চৈ৷৷

চৰণে অনেক ভকতি ভাৱে৷

উপাসন্ত লক্ষ্মী জগত মাৱে৷৷১৫৩৷৷

চৈতন্যময় শুদ্ধ ৰূপ ধৰি৷

পৰম আনন্দে আছন্ত হৰি৷৷

আতি চমৎকাৰ ৰূপ বিপুল৷

কন্দৰ্প কোটি যাক নোহে তুল৷৷১৫৪৷৷

কোটি ইন্দু সম আছৈ প্ৰকাশি৷

স্মৰণে দহৱৈ পাতক ৰাশি৷৷

ভকতৰ বন্ধু জগত বাপ৷

বোলা হৰি হৰি হৰোক পাপ৷৷১৫৫৷৷

৷৷দ্বিতীয় কীৰ্ত্তন৷৷

ঘোষা৷৷

কৰুণা সিন্ধু ভকত বন্ধু৷

ৰূপে তুল নোহে কোটি ইন্দু৷৷১২৷৷

পদ৷৷

স্থিৰ বুদ্ধি কৰি ভকতজনে৷

প্ৰত্যেক অঙ্গক চিন্তিবে মনে৷৷

চৰণ পদ্ম দেখি সুখী হুই৷

অৰুণ আতি পদতল দুই৷৷১৫৬৷৷

অঙ্কুশ পদ্ম ধ্বজ বজ্ৰ যৱ৷

দেখি চিহ্ন তাতে মিলৈ উৎসৱ৷৷

চৰণ পঙ্কজ আছে প্ৰকাশি৷

আঙ্গুলি পান্তি তাৰ ভৈল পাসি৷৷১৫৭৷৷

দেখিয়া ৰত্নৰ পাকৰি নয়৷

প্ৰকাশৈ তাতে নখচন্দ্ৰচয়৷৷

ৰতনে উজ্জ্বল উঝন্টি যত৷

নূপুৰ প্ৰকাশৈ পাদপৃষ্ঠত৷৷১৫৮৷৷

ৰত্নৰ হোড়ৰ জ্বলে জঙ্ঘাত৷

উৰু কৰিকৰ সম সাক্ষাত৷৷

কটিত প্ৰকাশৈ বসন পীত৷

বান্ধিছা মেখলা ৰত্নে ৰঞ্জিত৷৷১৫৯৷৷

নাভি সৰোৰুহ ৰুচিৰ কান্তি৷

হৃদয়ে প্ৰকাশৈ শ্ৰী বৎস পান্তি৷৷

উৰঃস্থলে লক্ষ্মী দিলন্ত দেখা৷

কষটিত যেন সোণাৰ ৰেখা৷৷১৬০৷৷

পীত বস্ত্ৰে শোভৈ শ্যামল কায়৷

তড়িত-জড়িত জলদ প্ৰায়৷৷

বহল হৃদয়ে মুকুতা হাৰ৷

প্ৰকাশৈ জিলিমিলি পেচন্দাৰ৷৷১৬১৷৷

চিকিমিকি কৰৈ ৰত্ন উজ্জ্বলা(২৪)৷

আপাদলম্বী গলে বনমালা৷৷

তাহাৰ মধুগন্ধে হুয়া ভোল৷

বেঢ়িয়া মধুকৰে কৰে ৰোল৷৷১৬২৷৷

চাৰু চতুৰ্ভুজ শোভে সুঠান৷

ললিত বলিত নীল মোলান৷৷

কেয়ুৰ কঙ্কণ বলয়া তাতে৷

প্ৰকাশৈ নৱ কিশলয় হাতে৷৷১৬৩৷৷

ৰত্নৰ শলাকা আঙ্গুলি পান্তি৷

আঙ্গুষ্ঠীচয় তাতে কৰে কান্তি৷৷

অৰুণ নখ চন্দমাৰ শাৰী৷

শঙ্খ চক্ৰ গদা পঙ্কজধাৰী৷৷১৬৪৷৷

গলত গলপতা সাতসৰি৷

উড়ৈ নৱগুণ পীত উত্তৰী৷

শ্যামল শৰীৰে শোভৈ অধিক৷

ময়ূৰ পুচ্ছ যেন চিকমিক৷৷১৬৫৷৷

কম্বুকণ্ঠে শোভৈ কৌস্তুভ মণি৷

প্ৰভাতে উদিত আদিত্য যেনি৷৷

পূৰ্ণচন্দ্ৰ ৰুচি মুখমণ্ডল৷

কৰ্ণত মকৰ দোলে কুণ্ডল৷৷১৬৬৷৷

তাৰ ৰশ্মি জ্বলৈ গণ্ড পাণ্ডুৰ৷

ৰুচিৰ চিবুক চাৰু অধৰ৷৷

প্ৰৱাল ৰত্নে যেন কৰৈ কান্তি৷

সুন্দৰ দন্ত মুকুতাৰ পান্তি৷৷১৬৭৷৷

সদায় নুগুছৈ ঈষত হাস৷

নাসা তিলফুল সম প্ৰকাশ৷৷

অৰুণ লোচন পঙ্কজ পাশি৷

ধনু সম আছৈ ভ্ৰূৱ প্ৰকাশি৷৷১৬৮৷৷

------------

২৪৷ পা, ৰত্নৰ জালা

---------------

ৰত্নময় কৰৈ তিলকে কান্তি৷

কপালে লম্বিত অলকা পান্তি৷৷

ৰঞ্জৈ শিৰে ৰত্নময় মুকুট৷

চূড়ামণি ৰত্নে প্ৰকাশৈ জুট৷৷১৬৯৷৷

তাৰ মাজে ৰত্ন  পঙ্কজ মালা৷

উজ্জ্বল মুখ লাগি তাৰ জ্জ্বালা৷৷

হেন মনোহৰ ৰূপ নিৰেখি৷

থাকিব সমস্ত অঙ্গক দেখি৷৷১৭০৷৷

মস্তকৰ পৰা পাদ পযৰ্্যন্তে৷

নমাইব মনক দুনাই দেখন্তে৷৷

ধ্বজ বজ্ৰ পদ্ম অুঙ্কুশ যৱে৷

প্ৰদক্ষিণে নমি পৰিব পাৱে৷৷১৭১৷৷

এতেকে হুইবেক পৰম সিদ্ধি৷

হৰিসে জানা জগতৰ নিধি৷৷

হেলায় সংসাৰ তৰিবা পুনু৷

নকৰা বিফল মনুষ্য  তনু৷৷১৭২৷৷

দৃঢ কৰি ধৰা হৰিৰ পাৱ৷

পাপ সাগৰত এহিসে নাৱ৷৷

কৃষ্ণৰ কিঙ্কৰে শৰে ভণে৷

হৰি হৰি বোলা সমস্ত জনে৷৷১৭৩৷৷

৷৷ ধ্যান বৰ্ণন সমাপ্ত৷৷৪৷৷