কম্পিউটাৰত অসমীয়া লিখিবৰ বাবে প্ৰথমে cdac ৰ leap office চফ্টৱেৰটো ব্যৱহাৰ কৰিছিলো । কিন্তু এই চফ্টৱেৰটো ব্যৱহাৰৰ বহুতো সীমাবদ্ধতা থকাৰ বাবে পিছলৈ অভ্ৰ কীবৰ্ড ব্যৱহাৰ কৰিবলৈ আৰম্ভ কৰিলো । কিন্তু leap officeৰ inscript টাইপিঙত অভ্যস্ত হোৱাৰ বাবে অভ্ৰ ব্যৱহাৰ কৰিবলৈ অসুবিধা পাইছিলো । সেইবাবে অভ্ৰৰ কীবৰ্ড কাষ্ট’মাইজেচনৰ সুবিধাটো গ্ৰহন কৰি নিজৰ বাবে সুবি...ধাজনক এখন কীবৰ্ড তৈয়াৰ কৰি উলিয়ালো । বনজীত্দাৰ কথামতে আপোনালোকৰ সতে কথাখিনি share কৰো বুলি ভাবিলো । কোনোবা উপকৃত হলে ভাল লাগিব ।
১. অভ্ৰৰ চেটিঙ্চ অংশত ক্লিক কৰি ‘কী-বৰ্ড লে-আউট এডিটৰ : বিল্ড কাষ্টম লে-আউট - (keyboard layout editor : build custom layouts)’ অংশলৈ আহক ।
২. এতিয়া এখন কী-বৰ্ড ডিচপ্লে হ’ব আৰু তাৰ প্ৰতিটো বুটামত ক্লিক কৰিলে টাইপ কৰিব পৰা এটা অংশ দেখা পাব । আপোনাৰ কম্পিউটাৰৰ কী-বৰ্ডত কোনো এটা ইংৰাজী আখৰ টিপিলে যিটো অসমীয়া আখৰ টাইপ হোৱাটো বিচাৰে তাত সেই অসমীয়া আখৰটো মাউচ ব্যৱহাৰ কৰি (অভ্ৰৰ click and type option, নতুবা যিকোনো অসমীয়া টাইপিঙ tool) লিখক । উদাহৰণ : ধৰি লওক আপুনি K টাইপ কৰিলে ‘ক’ লিখাটো বিচাৰে, গতিকে ডিচপ্লে হৈ থকা কী-বৰ্ডৰ K ত ক্লিক কৰিলে টাইপ কৰিব পৰা এটা অংশ দেখা পাব আৰু তাত আপুনি অসমীয়া টাইপিঙ toolৰ সহায়ত ‘ক’ লিখক । একেদৰেই আপুনি বাকী আখৰ বিলাকো লিখিব পাৰিব ।
৩. ২ নং পদ্ধতি ব্যৱহাৰ কৰি কী-বৰ্ডৰ normal আৰু shift দুয়োটা view আপডেট কৰক ।
৪. কী-বৰ্ডৰ normal আৰু shift দুয়োটা viewৰ একোটা screen shot লৈ লওক আৰু jpg , gif নতুবা bmp formatত save কৰি লওক ।
৫. এতিয়া attach image for layout viewer অংশত image দুখন সংলগ্ন কৰক ।
৬. Build অংশত ক্লিক কৰক আৰু ইয়াক C:\Program Files\Avro Keyboard\Keyboard Layouts ত এটা নিজা নাম দি save কৰক ।
৭. এতিয়া অভ্ৰক পুনৰ আৰম্ভ কৰাৰ পিছত আপোনাৰ নিজা কী-বৰ্ডৰ option টোও আপুনি ব্যৱহাৰ কৰিব পাৰিব ।
No comments:
Post a Comment